Nu figlio ‘e Napule
di Pino Rispo D.R.
Artisti d’ ‘o core mio…
dico a vvuje ca site overe
A vvuje ca ‘a tant’ ‘anne cantate ‘sti canzone
Vuje ch’avite accuminciato a cuntà
chesta storia ajere
sule ogge je capisco ‘e pparole e ‘sti melodie,
Ajere sentenno na canzona ‘e PINO DANIELE
m’ha tuccato ‘o core “Terra Mia”
‘E pparole m’hanno rrignute ‘o core d’ammore
E chiste uocchie, chist’uocchie
se so ‘nfuse ‘e lacreme ‘e gioia
cantate sempe cchiù forte…
pe’ ‘sta libertà ca buss’ ‘a porta
rignite ‘o core a ll’ate
comme avite fatto cu ‘o mio
Date ‘na speranza cu ‘sti melodie
Je nun songo artista ma so’ nu figlio ‘e Napule
E pur’io proprio commo a vvuje songo overo!