Tra veglia e suonno
Di Pino Rispo D.R.
Anema che chiagne dint’ ‘a notte,
Anema luntana dint’ ‘o scuro,
Si’ n’ata anema ca cade nfaccia ‘e mmura,
Te sento dint’ ‘a ‘stu suonno….
e pure I’ tengo paura,
Ogni notte nun te veco ma te sento,
Tra veglia e suonno sento nu lamiento,
Ogni notte nzuonno me turmenta,
‘A notte nun fernesce maie…
vaco addereto cu ‘o tiempo,
Dint’ ‘a nu tiempo antico….
faciteme penzá ca mò v’ ‘o ddico,
Sempe llá dint’ ‘o scuro tra veglia e suonno che paura,
I’ te vulesse aiutá…. ma si
n’atu frato ca cade nfaccia ‘e mmura,
Stanotte invece te veco…
veco a tutte quante,
Site tutte guagliune giuvene e Briganti,
Ve veco commo dint’ ‘a nu film site forte e site tanti,
Cumbattite a morte è all’urdemo sango,
Contro a ‘stu nemico piemuntese,
Senza pietá ‘e frate nuoste hanno acciso,
‘E frate nuoste ‘e vere liberatori,
Pe’ ‘sta patria so’muorte chiammati Briganti e traditori,
Mò ca accumencio a capí,
Nun me mporta si ‘a notte nun vò ferní,
‘A storia nosta aggia vedé…
aggia sentí,
Quanno po’ dint’ ‘a stu suonno me sento ‘e murí,
Po’ torno…
e comme dint’ ‘a nu film stongo a Napule,
‘O milleottucientocinquantotto,
Stongo fora a marina vicino o’puorte,
Quanno ‘a luntano sente na carrozza,
M’avoto e vec’ ‘o Rré Ferdinando,
‘O ‘Rré nuosto,
Scenne d’ ‘a carrozza m’abbraccia
e me dice:
‘O vide ‘stu Regno?
‘Stu populo semplice e felice?
‘A morta mia cade ‘n man’ ‘o piemuntese,
Scrivarrano ‘a storia d’ ‘e vincitori,
Quanno tuorn’ ‘a Napule ‘e dimane,
A ‘sta gente cuntale ‘stu suonno….
E dincello…
‘e vvoglio ancora bene!